當年 Samsung 的 Note 系列與起原因之一，就是有手寫筆，而 LG 亦都有設有手寫筆的產品，不過是平板 G Pad 。最近廠方在韓國，亦有新產品推出，今次為 G Pad III ，面積為 10.1 吋，固之然設有手寫筆，但同時亦設有護眼模式，就算長時間使用都不怕傷眼，而且支援 4G LTE ，拎出街上網都無問題。
作為新一代機體，屏幕不單止有 1080p 解像度，同時亦支援 16：10 顯示，但更重要是機體設計時，已內置有一個支架，方便你拎出街時使用。而為了令到平板的使用時間更加長，電量提高至 6000mAh 。
效能上，會採用 Qualcomm Snapdragon 617 八核處理器，內置 2GB RAM 及提供 16GB ROM 和 32GB ROM 版本選擇，並支援 microSD 記憶卡擴充，並會前後各設有 500 萬像素鏡頭。預計售價為 429,000 韓圜（約 $2,808 ），唔知來港後又幾錢？
