就快到聖誕節，通常都是開 Party 的日子，不過好多時場地都未必有顯示設置，想帶部 PS4 一齊打，或者放套電影一齊睇，都未必做得到。坊間亦有不少流動投影機，不過通常投影質素較弱，反而最近 LG 推出的 Minibeam PH550 迷你投影機更加吸引，有齊藍牙、 Wi-Fi 連接，亦有內置喇叭，最大投影 100 吋畫面，打機睇戲都一定夠用。
為了令到畫質提高，Minibeam PH550 的體積雖然會比一般手提投影機大，不過放入袋帶出街都絕無問題。 PH550 的畫面對比度 100,000:1 ，支援平面及垂直擺放，透過簡易設置便可快速啓動 Miracast 無線投影功能，並設有卡片型遙控器，調較音量、頁面切換等都可以做到。內置 LED 燈壽命為 30,000 小時，電池續航力為 2.5 小時，如果預長時間用，就可能要帶埋火牛出街，售價方面為 $4,980 。
查詢：3543 7777
