石原里美難得無緋聞菅田将暉想做新聞？

日本小惡魔石原里美套劇《地味にスゴイ！校閲ガール・河野悦子》（有繹：校對女王）話咁快播完，早前一班台前幕後就趁結局夜，搞咗個馬拉松式活動賀一賀佢。

今次套劇最難得唔係個收視都有番咁上下，而係「男角推倒機」石原無同「小鮮肉」菅田将暉傳緋聞。不過，日媒當然唔會咁益佢哋，就喺報道呢個馬拉松活動上，就不停暗示菅田對女方「有啲嘢」，除咗話當現場播出女主角告白時，菅田面紅紅外。誇張到，搵咗個有份出席尾場飲嘢活動嘅人，指當菅田飲大咗時，同石原肩擦肩時，有晒生理反應（面紅）。