「拉打女」內田理央出寫真男女分流玩美尻

日本「拉打」女星內田理央，雖然喺《幪面超人Drive》做警花，唔夠怪人馬場富美加咁「胸襟廣闊」，但勝在形象正面身材均勻，都冧到唔少宅男。近期仲密密進軍電視台，上季仲喺《俠飯》度做足全套。

嚟緊下星期（12月6日）內田將會去新垣結衣套《逃跑可恥但很有用》度客串一角，咁啱佢套「一Set兩用」寫真集就喺噚日推出，日媒立即幫佢係咁出Po賀賀佢。事關，內田套寫真分開男、女性向，女性向嗰本無乜好講唔使講，但男性向嗰本就巴之閉，官方打正旗號話呢本係以「真.裸骰之寫真」做宣傳，內容當然係有內田水著照，仲有她史上露出度最高嘅美臀照和入浴照。單係嗰幾張發相，係男人都真係睇到㷫烚烚，唔買對唔住自己，仲更加對唔住啲子孫。