AKB48 前一姐大島優子自畢業後人氣雖然一般，但都叫做長期有工開，近日佢孖阿部寬拍嗰套《疾風ロンド》開畫，可能見有機會四出去宣傳，大島就飛雲上身係咁發功。
好似噚日，佢就着咗件米白色透視裝現身首映會，可能佢件衫太薄，又可能係佢裏面件深色Bra太深色，當佢出場時已經將成「對」形狀反映晒出嚟。老實講，對大島嚟講，咁樣只能夠算係毛毛雨，但咁啱，成套片得佢一個女演員。於是咁就出事喇！喺首映會上，大島肩付咗搞氣氛嘅重任，表情多多挺胸收腹兼玩埋遊戲，令成台老、中、青三代男演員嘅視線不期然落咗佢對……身上，搞到勁老尷。
其實大島咁搶收視已經唔知第幾次，對上次佢着咗條黑色連身短裙，喺台上對大倉忠義講片中台詞：「大倉你生理的現象太快了……」
來源：ModelPress
