美國超模家族 Kardashian ，一向多人留意，先唔理係咪男潮女索，單係班女個個都被喻為「集體暴露狂症」，著泳衣內衣多過著面衫、去 Ball 去 Party 鬥突點嘅「慣例」，已經足以被世人所「關注」，因此整個家族嘅 IG、FB、Twitter ，都大把人 Like 。
日前， 21 歲嘅 Kendall Jenner 突然宣布關閉佢個 7000 萬 Follower 嘅 IG 時，立即成為掀然大波，好多宅男都主觀地認為， Kendall 嘅 IG 遭受駭客入侵，有眾多「閃卡」即將會流出，所以事主要立即刪 Account 斬定腳指先。
不過，正當全球無數宅男磨拳擦槍……掌時，Kendall 就著到成件絲質睡袍、突晒點咁，上咗名嘴 Ellen 個 Talk 解畫，佢話因為自覺對 IG 太過中毒，每日起身到瞓覺嗰刻都掛住睇 IG 留言，覺得太過依賴，所以決定停一停。講完！班宅男緊係「車」咗出嚟，有不少口痕友話，佢刪 IG 完全唔知為乜，事關佢班家姐都日 PO 夜 PO 相，再加上，Kendall 其實仲 Keep 住 Update FB 、Twitter 、官網等等等……喺節目尾，佢仲預告定，過幾日就會開番 IG ，叫粉絲放心，呢啲係咪叫「姣婆守唔到寡」？
https://youtube.com/watch?v=x8oKlBZ6U_8
