以前影低不少舊相，手頭上又無掃描器，可以如何立即數碼化？最簡單方法當然是用手機影低相片。不過，普通用手機翻拍，反光又矇，質素未必夠好。最近 Google 就推出手機 app PhotoScan ，用家可以即時將相片拍下，然後即時進行修改，變成一張靚靚的數碼相，隨時在手機睇又得，放上雲端用其他裝置睇都得！
當用家使用手機拍照和拍影片的同時，PhotoScan便會利用濾鏡效果將泛黃的照片變正常，而所有相片亦可與 Google 相簿同步，相當方便。而無論是 Android 及 iOS用戶都支援，相當方便！
