智能手錶雖然好用，可以有來電提示又能看到訊息內容，但亦都由於電量問題，令到不少人怕煩而不想用（日日都要充電…）。如果你都有同感，這隻 Matrix PowerWatch 便一定適合你用，因為這隻錶最特別之處，是採用熱電技術開發，可以利用體溫去提供電量，亦即是同陀飛輪一樣，戴住就有電（當然放入自動上鍊錶盒都唔會有電！）。
由於要保持電量消耗低，所以系統由自家開發，而非 Android Wear ，不過同樣支援 Android 及 iOS ，內置有 AMBI Q 的微型處理器，開發商號稱為全球耗電量最低的微型處理器。會有計時、秒錶、計步及卡路里消耗和行走距離等數據。現時 Matrix PowerWatch 已在 Indiegogo 進行集資，早鳥價 99 美元（約 $772.2 ），都幾抵玩。
來源：Indiegogo
