Facebook 好多人日日都用，差不多成日生活必需品，不過今個星期都幾多問題，好似之前美國總統大選，就有不少假消息傳出，雖然唔知有無因此而影響到美國大選結果，不過點都會影響部分人投票意向。而最近又有新 Bug 出現，不過今次並非假消息，而是用戶在登入之後，發現出現「@@@ dead」（@@@是自己個名），認真唔老禮！
如果你都不幸中招，你又不用太過灰心，因為今次有過百萬用戶「陪」你一齊死，都算死得抵啦！而且更會在頁面顯示緬懷信息，亦都會同你身邊朋友、家人講埋。最重要是今次中槍的不單止是平民，連 CEO Mark Zuckerberg 都有份。 Facebook 話主要是因為加入新功能放入功能頁面，但卻放錯位，令用戶中招，現時已進行修復。如果近幾日在 Facebook 見到有人死，記得打個電話，關心一下對方！
來源：The Verge
