買前諗清楚 Google Pixel 有 bug 無法連接 4G

自從 Google 推出 Pixel 手機之後，一直都叫好叫座，而正式推出之後，雖然價錢略貴，仍有不少用家追捧， Pixel 與及 Pixel XL 兩部機的水貨，亦都在香港出售，價錢由 $5,850 至 $9,998 之間。不過，如果你想買，最好還是停一停，諗一諗，因為最近外國傳媒便指出，由於手機系統有 bug ， Pixel 少部分時間會無法連接 4G 網絡，而今次受影響的屬 LTE Band 4 ( 1700MH )，雖然不屬於香港的　1800MHz 及 2600MHz ，但今年手機界鑊氣勁重，買之前最好考慮清楚。

雖然美國的　4G 頻譜有多達 10 條，所以就算有一個頻譜出現問題，其實影響都不會太大，不過以美國為主市場的  Pixel 與及 Pixel XL 在當地都出現接收問題，實在好難想像在美國其他地方使用有無事。而官方知悉問題之後，當然例牌回答你會盡快解決問題，不過部機話晒都好貴，值唔值得摶，就自己考慮了。

來源：Android Police