《Pokemon GO》既然是一款育成遊戲，當然要好好培育出最強精靈，但每一隻精靈的基本數值不同，其峰值亦會有所不同。而要計算不同精靈的峰值，好多人都知會用 IV 計算機，而在網上都有幾多 IV 計算機出現，究竟有什麼分別？邊個更加好用？以下為你逐一介紹。
一睇就知道是由台灣指出的《Pokemon GO》 IV 計算機，最大好處當然是以中文界面顯示。只要輸入戰力、生命點數及星塵數目，便可計算 IV 值，不過，更加有用的是進化計算機，只要輸入你未進化的小精靈，再輸入 CP 值，便可計算出進化得的 CP 值大約有幾多，值唔值得繼續投資在這隻小精靈上，都好易比較到。
另一個外國網站提供的計算器，功能更加強勁，用家只要輸入更多的數據，便可即時計算出這隻寵物小精靈與同種最高數值差幾多（Perfection Range），以百份比顯示，數值愈高當然愈值得去訓練。另外，亦會提供升級到最高 Power UP 的次數，及所需要的星塵數目和糖果數目，方便用家儲星塵及糖果時，更加有預算。
雖然話現遊戲，好多時都對住一堆數字，但始終並非每個人對數字都好敏感，如果有圖形去輔助，睇落都易睇好多。而這個 PGOIV 最大特色，是會有公仔提供不同數值的範圍，睇落更加容易理解。亦支援將數值儲存下載，毋需每次都上網先睇到。
不想太多數值睇到頭暈，最重要是數字簡單易明，不妨使用 PokeFind ，只要輸入幾個數值，便會提供Perfection Range 數值及Average數值，以及花費幾多星塵及糖果才能最高 Power UP ，相當方便。而拉落下方亦會有更詳細數值作參考。加上提供手機 app ，無論 iOS 或是 Android 都支援。
