11 月尾去日本必食！　Lotteria 推三日限定松阪牛漢堡

如果去日本，有大量美食當前，仲點會去食快餐店！不過，其實每一年的 11 月尾，點都要去日本 Lotteria 食一轉。點解？因為自從 2010 年開始， Lotteria 便會在這些時間，推出高級漢堡系列，而今年就會在 2016 年 11 月 27 日至 29 日這三日期間，推出「松阪牛肉漢堡」(松阪牛ハンバーガー)，價錢方面，盛惠 2,000　日元（約 $148 )，貴就貴少少，但每年一次點可以走雞！

會收得這個價錢，當然要貨真價實，「松阪牛肉漢堡」講到明會用 100% 松阪牛肉製作，每塊重　125g ，配埋由伊豆天城生產的新鮮山葵一齊食，好吸引！同時會配合特別的醬汁，提升牛肉的鮮味，加上松阪牛厚重的脂肪，諗起都想食！而且個包絕對不會食完就算，會附送一個禮盒及專屬紙袋，等你食完之後，都可以留為紀念。如果有剛好今個月尾這三天去日本旅行，就算幾忙都好，一定要去食！

來源：Lotteria.jp