有開箱片睇！全球 89 對 Nike Mag 有幾未來？

早前 Nike 將經典電影《回到未來2》（Back to the Future Part II）中，男主角曾經著過的自動綁帶鞋重現，並名為 Nike Mag ，而不同用家都陸續收到實物。好多人都會第一時間想一試有幾得意，不過只限拍賣仲要貴到離譜。但點都好，網上陸陸續續都開始有開箱片出現。根據影片可以看到，鞋身及鞋底都分別設有 LED 燈，充電方面為無線充電，外型似雪靴多過波鞋……不過重點是：你會著出街咩？

其實自從 Nike 話要生產 Nike Mag 開始，都講到明要向《回到未來》系列致敬，所以外型上，都同當時電影的鞋有八成相似，至於其餘的部分，包括 LED 燈，好明顯就是 Nike 自己加。而這名用家亦影相放上 twitter ，立即有人話想買，開價由 1,000 美元（約 $7,800 ），直至最高的 5,000 美元（約 $39,000 ）都有。