8 年無見 Leah Dizon「輕復出」橫掃水著界

但凡有番咁上下J曆（日本追星曆），都肯定識得日本水著女星Leah Dizon，單係佢副Body加混血兒樣貌，想當年佢啲寫真，真係每頁都精彩到漏油，睇完頁頁都黐淋淋（出晒手汗）。可惜自從佢08年結婚生仔後，就好似消聲匿跡咁唔見咗。

今年適逢佢出道十周年，而咁啱雜誌《週刊プレイボーイ》又要慶祝成立50週年。唔知點解咁就搵咗佢復出，拍咗輯寫真嚟互相慶祝。咪以為Leah Dizon 30歲又生過仔，佢配架生完全無生锈，個樣仲Keep到當年9成有多，完全演繹咗「童顏巨乳」。據聞輯相隆重到去咗Leah Dizon家鄉拉斯維加斯影，無論「新知舊遇」都唔好走雞。