日本女神新垣結衣套劇《逃げるは恥だが役に立つ》（直繹：逃走很可恥但很有用），有結衣BB加持，收視預咗有番咁上下，集集都維持喺雙位數字，仲要係咁升，真係咪話唔勁抽。難得就係電視台今次堅識宣傳，比起嗰堆「幕後玩家」醒目百倍。
日前電視台趁萬聖節，搵咗結衣BB同男主角扮鬼扮馬坐電車河，張相Po咗上網後，已經引爆咗成個Twitter。之後，有人仲驚班宅男唔死，仲特別Upload咗兩張無男主角嘅花絮相。相中所見，結衣BB未埋位前，呢埋喺位作尷尬樣，配合埋高炒嘅角度，重現咗好多野外愛情動作片嘅橋段。有粉絲仲流住鼻血咁留言話結衣BB：「賣萌可恥但很實用。」點「實用」法？大個仔唔使教喇啩？
