日本女神北川景子成為人妻後，仲顯得愈來愈索，連續兩季日劇嘅收視都算唔錯，近日嗰套《ヒポクラテスの誓い》（照繹：希波克拉底誓言）雖然題材沉重，但劇中女神不斷咁緊身衫、緊身衫同醫生緊身衫，令到不知幾多宅男睇到紅都臉晒。
可能北川深明好嘢唔應該收收埋埋嘅道理，今日佢就喺官方Blog度宣佈，將推出第二本個人寫真集《30》（資料提供：第一本叫27，三年前推出），聽個名都知係嚟畀女神踏入30歲留倩影啦。女神無乜幾何出寫真，事務所隆重其事到，特別開設咗個寫真專用網站，而家個網頁只係得啲Link去其他網頁度訂購，不過就有普通版同特別版個封面，唔使講自然靚到爆，宅男們記得快啲Bookmark等Update啦。
來源：北川景子Blog
