日本女團AKB 48嘅Sexy Icon小島陽菜，自總選話畢業後一直無晒消息，但失驚無神下，日前終於落實於下年2月22日畢業，令到好多抱有一絲幻想嘅粉絲美夢破滅。不過，陽菜一於懶理，日前幫雜誌《MAQUIA》影咗輯性感貓女郎照，仲將部份相upload咗去IG度公諸同好。
之前陽菜喺總選度扮幪面貓女，搞到成績一落千丈，但呢輯相，雖然無上次幪面貓女咁又有罅睇，又有短裙，但班餓……宅男睇完就癲咗咁讚好，留言話好性感已經最小兒科，有啲話：「好危險」、「好緊」，其餘留言自己睇啦，根本唔出得街，但究竟咩叫「好危險」、「好緊」，請自行想像同演繹。
