Note 7 回收兼停賣，以為件事就完？錯！因為抽水無極限，更何況 iOS 同 Android 用家一向都勢不兩立（？），當然仲有下文。最近便有外國網站出售 iPhone 的新包膠，但用的不是卡通或公仔造型，而是將一部 iPhone 還原成 Note 7 電池爆炸之後個樣，抽水抽到咁，認真佩服！
如果你身邊有人用 Note 7 ，而你又對這位朋友並無好感的話，用這個包膠的確最好不過，機背完全重現 Note 7 爆死的外形，而且仲要有埋 Samsung 的 Logo ，像真度都幾高。支援 iPhone 5 以上的機型，售價為 24.99 美金（約 $195 ），至於你包完呢層膠，會唔會唔俾你上機？都咪話無可能喎。
來源：uniqfind
