日本女神松隆子，喺90年代當打之年，拍落幾多勁爆嘅日劇，只要有番咁上下資歷嘅宅男都唔會唔識。難得佢結婚生仔後，轉去拍電影都拎到唔少好成績。加上個樣Keep得非常好，雖然巨乳就肯定稱唔上，但童顏都幾可肯定，37歲望落都呃到人似廿到尾。
日前，有報導話喎，無拍劇十年嘅松隆子，嚟緊1月會強勢回歸，接拍由電影《末路狂花》改篇嘅日劇版，TBS電視台仲搵嚟近來搞完離婚兼同瑛太細佬永山絢斗傳緋聞嘅滿島光合演添，個報導仲搵嚟好多「消息人士」證實消息，不過，先唔講松隆子係咪回歸電視箱，單講《末路狂花》呢套咁經典公路電影，點去改篇成日劇已經勁頭痕，加埋今時今日，都唔知去邊度搵個日版畢彼特嚟做男主角呢？事關近年興埋興埋唔係娘娘腔、就係小鮮肉……
來源：週刊女性PPRIME
