無緋聞即刻唔掂石原里美新劇慘輸

日本小惡魔石原里美套新劇《地味にスゴイ！校閲ガール・河野悦子》（台繹：校對女王．河野悅子），唔講唔覺已經播咗兩集，收視都有番咁上下，依然企硬喺雙位數字，都可算交足功課。最難得係今集至目前為止，石原仲未同男主角菅田將暉傳緋聞，已經係石原史上最大突破。

不過，唔知係咪啲觀眾慣咗有緋聞做伴碟，令到石原嘅八卦度大大咁降低，早前就有傳媒「話」，班觀眾對石原每集起碼換四、五套衫唔多Buy，啲女Fans鍾意睇女配角本田翼多啲，話本田不愧係雜誌專屬Model，身型同品味都咁好。但最估唔到就係，「調查後發現」班男Fans最睇好竟然係石原劇中校對部嘅同事江口德子（江口のりこ），話佢13年演過電影《戦争と一人の女》有過露胸場面，令到好多宅男都好想睇佢再「表演」喎。