Note 7 正式停售及回收，香港仍未有正式方案公布，用家唯有到客戶服務部換機，不過，外國用家就未必咁幸福，可以有個人俾佢鬧，而要郵寄到 Samsung 退機。但部機就算無開機，都有可能會爆，點寄先好？原來 Samsung 都有齊指南，就是將部機套上特殊防火層先好寄，仲會提供埋手套同一個靜電袋，點解咁似處理炸彈？
其實部機會自燃，放入盒一刻並不危險，反而在運送途中著火先最得人驚，因為前科是試過燒著部私家車，所以如果沒有這些防範，基本上都無可能會有人肯運過去。而為了避免因為在盒內搖晃而令手機更容易爆，亦都有多層的外層以確保手機在箱內不會有任何移動。一部手機可以搞成咁，Samsung 都算是史上第一。
來源：XDA Developers
