為宣傳新劇搏到盡土屋太鳳長跑超感動

日本TBS電視台日前搞咗個全明星感謝祭（オールスター感謝祭），邀請班演員參加體育競賽，順便宣傳下電視台今季日劇。其中，女星土屋太鳳就代表《IQ246～華麗なる事件簿～》，出戰長跑項目。

雖則話，土屋大學係讀日本女子體育大學運動科學系，又主修舞蹈學，不過係人都知，佢兩條腿都有番咁上下……短，講跑步就肯定唔係開正佢嗰瓣，結果緊係跑包尾。不過，土屋堅係無放棄，用盡全力係咁跑，脫力到到終點時已經企唔番起身，要同劇嘅演員織田裕二扶住佢出鏡。土屋甫出鏡，已經上氣唔接下氣臉到青晒咁不停咁多謝織田同劇組，搞到同場嘅新春優愛等眾多女演員個個感動到係咁喊，現場氣氛超感人。