Apple TV 無疑是一部好機，所講的並非內容，而是一部機可以做到全屋影音無線同步，加上早期機型夠平，的確有一定用途。不過出到第四代，價錢貴好多，如果不看內容，買第三代好過。不過， Apple 方面早前已經正式將第三代的 Apple TV停產，香港的 Apple Store 亦都沒有再出售，想平買，相信都要買二手機先得。
現時想買 Apple TV 3 ，應該都買不到新機，因為一點擊 Apple Store的 Apple TV 3 ，便會自動去到 Apple TV 4 的網頁。而由於第四代的功能比較多，例如支援Siri及採用tvOS，所以價錢亦貴好多，現時第四代的售價，最平 32GB 都要 $1,188，相比之前 $748 買到，又貴四百幾蚊。想買，現時在格價網仍然有部分商戶出售，但貨源仲有幾多，就好難講。
