Apple 產品大賣，而配件亦都有好多廠爭相推出，不過講到最有新意的配件，相信非這個 New Mac Candle 莫屬。單睇字面，第一時間會諗：「Apple 連香薰蠟燭都做埋？」非也，非也，其實這個「新品」，是由第三方推出，主要是利用 Mac 機開箱後的氣味製作香薰，售價 24 美元（約 $187 ），並於外國網站 Twelve South 出售。
世界千奇百趣，就好似有人特別鍾意聞白花油味，亦都有人特別鍾情衣物柔順劑味，所以有人鍾意聞電子產品開箱品，亦並不稀奇。不過，標明是 New Mac ，難道 Mac 機開箱的氣味，會與其他的電子產品開箱會有不同？老實講，小編並沒有進入深入研究，自問嗅覺亦不算特別靈敏，但有一件事可以肯定，就是外國電子產品開箱，同國產電子產品的開箱味道一定有分別。不信？有記會聞下就知。
來源：9to5Mac
