日本26歲性感尤物仲里依紗，自從13年嫁咗畀奀星中尾明慶、仲極速有埋後，人氣自然有所影響。產後復出嘅佢，身型雖然無大走樣，但係就收起晒往日「兇狠」，好似《桃花期》咁着低胸小背心畀男主角摸胸，應該會成為絕響。
日前，阿人母就幫雜誌《Numero TOKYO》11月號影咗輯靚相，相入面，佢就扮成漫談家、攝影家林家ペー太太咁，當然少不免林家嘅招牌粉紅洋裝，仲里依紗仲將其中兩張相Po咗喺IG度呃Like。
勢估唔到，張相影到「平平無奇」，但係一夜間竟然有過萬個Like，有好多粉絲仲大讚佢造型可愛，同埋好有洋妹Feel（仲里依紗有4分1瑞典血統，所以呢句係廢話），最抵死就係有口痕友問，點解佢拍埋阿林家伯伯度一啲遺和感都無，唔通觀眾已經習慣咗佢一朵鮮花插在……
來源：modelPress
