Note 7 的黑氣似乎吹極都吹不走，最近又有新搞作，國內有用家在微博指，試過有一次使用 Note 7 的時候，部機突然間升溫至 60 度（呢個數字都好耐未見過），雖然部機好彩無爆炸，仲可以強行熄機，經過 10 分鐘之後便冷卻，但重開後電量就下降了 15% 。其實這個問題並非 Note 7 專用，主要是系統問題，但單是換機都頭暈的 Samsung ，還有時間更新系統嗎？
其實發熱問題，一直都困難智能手機，不單止國產手機容易變暖旦，好似 HTC 的部分機型、 Sony 部分防水機型，都曾經有過熱問題。不過，一般過熱大約 40 度至 50 度之間，狂飆至 60 度相當少見。難怪連國內網友都話，「要用生命挑戰一下三星。」問題多多， Samsung 仲有什麼方法？有台灣網站話出摺機，你又信不信？
來源：微博
