Google Allo 終於在昨天正式推出，這個 Google 用作抗衡 iMeassage 及 Facebook ，甚至想與 WhatsApp 、 LINE 等一爭天下。不過，以上都只不過是之前傳聞，因為實際使用上，功能始終未及一般的即時通訊 app ，但老實講 Google Assistant 都幾值得玩，用法同 Siri 一樣，無論是打字、錄音，都會提供相關答案，但現時只限英文語系，唯有當做練英文。
其實使用 Allo 的方法，同一般的即時通訊 app 好相似，首先要輸入電話，之後接收短訊密碼，再設定頭像就玩得。預設有一大堆見慣見熟的 Emoji 之外，最重要是 Google Assistant ，他會在對話中幫助你，亦都可以直接找它幫手。
例如你打「I want to eat something 」，便會找出附近的食肆資料，不過只限定輸入英文，打中文會不能識別。另外， Allo 設有無痕即時通訊功能，可將訊息加密。總體來說功能都幾多，如果早出三年，都或者仲有得爭，不過今時今日先出，相信就要再加把勁。
