有睇過 《龍珠》 的話，相信會好記得撒亞人比達同那霸襲擊地球時的情節，一班 《龍珠》 戰士搏命修練，結果竟然不夠那霸一個打，其中餃子甚至出埋自爆犧牲禁招，都只係炸到那霸變黑少少，這幕情景都可以列為經典場面。誰不知如此慘慘豬的結局，居然都被 Bandai 用來出商品，將餃子從後抱著那霸、死前流淚同天津飯告別的姿態，變成為背囊款式， 《龍珠》 迷會否覺得好殘忍？
其實又毋須擔心，因為 《龍珠》 正派角色都有打不死的特點，所以就算餃子自爆，都只不過是後來再復活，fans應該不會覺得揹住個背囊好難受。而這款餃子自爆背囊，將會在明年2月推出，而現在已經可以在 Bandai 網站接受預訂，售價為5400yen（約$410），有興趣揹著臨死前的餃子「可愛」造型，可以去訂喇。
