根據現時情況， Note 7 的爆炸問題似乎開似漸漸搵到解決的曙光，或者對於 Samsung fans 來講，又會心癢想出機。不過，始終爆炸問題仍存在隱憂，買機有沒有方法可以保障自己？應該點樣睇先知部機有無問題？難道要拎住部機又上網查 IMIE 先至得？其實有幾個方法，可以快速檢查部機有沒有問題，就算想買都買得安心。
一、醒揀買機點
根據 Samsung 提供的資料，現時仍有百幾部早前優先預訂的問題手機在市面，這批手機去了哪裡？當然不排除是在用家手上，但更有可能是仍在商鋪中未賣出街！因為有人第一手攞機之後，會原盒放賣到先達，而手機一日未賣出，一日都未有人拎去換！所以買機時，最好揀大型連鎖鋪買！
二、睇盒做人
另一個必定要留意的，是包裝盒，由於今次事件涉及的範圍都幾廣，所以 Samsung 已經在手機的包裝盒標籤上，做了手腳，如果在標籤上發現有一個正方式的黑色圖案，便表示這部手機已通過電池測試，沒有爆炸的風險。
三、必睇電池圖案
Samsung 早前發放強制更新，有問題手機不能充電上六成以上，當然買機時不能等到充滿電先買，但仲有另一個方法，可以看到有無問題，就是電池圖案，如果你手上的新機，電池圖案是綠色，表示手機沒有電池問題；但如果是白色，就表示電池有問題，最好揀過另一部！
