日本粉絲有時對偶像都幾嚴謹，尤其係婚姻上更加以聖人級來量度藝人。最佳例子，福山雅治去年結婚因為個新娘唔啱粉絲口味，就搞到福山人氣下滑，連事務所嘅股價都大跌咗幾日。日前，福山嘅師弟佐藤健出席佢出道十周年寫真集宣傳會時，就被問到結婚問題。
有前車之鑑，佐藤健當然問得非常小心，27歲嘅佢就話暫時未有預定幾時結婚，但30歲前就想繼續好好工作，就未必會結喇，但就希望40歲前可以結得成。嘩，乜都畀你講晒啦。果然做過幪面超人電王，個頭盔戴得幾穩陣。
來源：東スポWEb
戴定頭盔 ！《幪面超人電王》 佐藤健 話40歲前會結婚
