iOS 10 終於都發布，亦都有不少用家收到通知，不過以過往的經驗，每升級一次 iOS ，部機的壽命就短一截，例如部機變慢、食電加快等等，老實講如果無特別吸引的功能，寧願等改好 bug 先升都未遲。既然如此，以下就先介紹下一全新 iOS 10 的新功能，等你有定心理準備好唔好升級。 
1. 拎起即開機
其中一個實用性高的新功能，用家只要拎起部機，屏幕就會自動亮著（並不是解鎖！），即是無需再按開關鍵即可使用，都幾方便。
2. 按 Home 鍵解鎖
另一個新功能，就是按 Home 鍵解鎖，你可能會話：「有指紋識別之後都有啦！」，今次最大不同點，是就算無指紋識別設定，都可以將手指放在 Home 鍵上解鎖，單手操作更加方便。
3. 加入封鎖來電功能
之前的 iOS 都有黑名單功能，但始終不及 Android 有封鎖來廣來電功能好用，而在今次的 iOS 10 上，終於都可以配合第三方的來電封鎖 app ，來封鎖一些廣告來電。
4. 開放更多 Siri 功能
Siri 愈來愈多人用，所以 Siri 亦都開放更多功能給第三方 app 使用，例如日後用其他 app 時，只要支援 Siri ，便可直接用口講進行查詢，雖然現時這個功能仍有待強化，不過日後用途都應該幾多。
5. 時鐘加入就寢功能
今次 iOS 10 亦都強化手機的時鐘功能，用家可以設定一個名為就寢時間，當進入就寢時間之後，所有界面都會變成黑底白字，好處是減少眼睛在昏暗的環境下，因強光造成的頗勞，不過本人覺得最大好處是令你無心機用部機，立即就寢…….
雖然以上功能，都有一定吸引力，不過，升級後的手機耗電量會增加大約一至兩成左右，如果對電量相當著緊的用家，就要細心考慮是否升級。
來源：數位時代
