多人用 Mac 機，但又想用 Windows ，有人會揀開多個磁區裝 Windows ，亦都有人會使用 Parallels ，後者最大好處是可以在 Mac OS ，使用到 Windows 功能，毋需左轉右轉，而且最新的 Parallels Desktop 12 今日仲要免費下載任用至下年年尾，聽落好抵喎！咪住，都要睇你用咩機，否則一裝即死就欲哭無淚！
先講免費下載呢部分，其實只要去以下網址，做齊三個步驟（分別是睇片、答問題同填個人資料），等多大約十日左右，就可以收到個內附下載連結同序號，作為精明的香港人，第一時間唔使我講都梗係即時做齊三件事。不過，有序號還有序號，裝唔裝又另一回事喎！因為你要先睇睇你用的是什麼機，否則裝完想死！
點解咁講？因為過往有用過 Parallels 都知，雖然好方便，毋須轉換系統就用得，但值得留意的是個軟件都超級超級超級食 RAM（重要事項要講三次），如果你是用 iMac 或以上機體，無問題；如果你用 Macbook 256GB 以上機體，都無問題。但如果你用 Macbook Air 就真係唔多建議你裝，如果部機只得 128GB 容量，仲要是上年買入機款，就更加咪試！否則一開隨時部機慢到 Hi Auntie ，到時又要用 Time Machine 搞一大輪，最驚洗唔乾淨阻住空間，就真係…….
