Casio 自從自拍神器好賣之後，自拍 DC 推出都一浪接一浪，最近又有新作，今次型號為 EX-ZR5000 。不停推出自拍機，仲有新賣點？當然有！因為今次會加入 19mm 鏡頭，專攻旅行自拍用，影自己之餘仲可以影埋風景。而且仲可以用超廣角玩埋長腿相，永無短腳人出現！新機售價為 $3,480 ，並會推出白色、粉紅色、粉綠色及黑色選擇。
或者你會話，一年去旅行日子最多得十幾廿日，特別買部機玩旅行自拍，都幾無謂，但如果你可以用到部機的特性，影埋長腿相，應該會有用得多。點玩？其實好簡單，因為 19mm 超廣角的鏡頭邊沿位置，一定會有變形，將景物拉長，只要活用這種特性，條腿想幾長都無題題（感覺上好有詐騙成份……）。另外，鏡頭亦都有升級，加入自動紅外線阻隔功能，背光都可減少鬼影，並提高相片顏色的還原能力，更接近實物。
除了長腿相，部機仲有另一個功能值得一讚，就是智能廣角變焦功能，只要按一下快門，便同時拍攝人像及超廣角相各一，就算人像相不太滿意，都仲有張風景相「補飛」。至於 EX-ZR5000 亦都加入 EXILIM Auto Transfer 功能，可以直接將相片傳到手機，再分享到社交平台。至於作為自拍機，美肌模式點可以少，設有「美顏模式」( 12 級美白或 健康古銅色)、「平滑肌膚」及「粉嫩美肌」 等，要影靚相呃 Like ，更加容易。
