日本女星米倉涼子，雖然已經41歲，但副Body仲Keep到好過晒啲十八廿二，但，好可惜，佢去年底閃婚再閃離婚，搞到人氣急速滑落。不過，不幸中嘅大幸，電視台、甚至連整個日本都好似好畀機會佢，幾個月前上咗套佢被Like爆嘅《 Doctor X 》系列劇場版，個收視靚仔到無朋友，令到電視台放心嚟緊10月再上《 Doctor X 》第四季，好多傳媒都Tip呢套係米倉翻身之作，不容有失咁話喎。
但係，個劇本當然唔係咁易寫完啦，事關電視台日前公布咗啲配角人選，其中，竟然搵到2013年參加過世界小姐嘅日本代表田中道子，佢會演醫院院長嘅情婦秘書。田中話劇中會着唔少OL服，仲有唔少挑逗鏡頭，又會扮惡女，聽到都令班宅男同角色扮演愛情動作片迷流晒口水。再睇埋田中道子身裁同個樣，根據3年前嘅紀錄，佢嘅39B – 27 – 40嘅模特兒身型，條腰幼到用蛇嚟形容都侮辱咗佢，加上佢鬼鬼哋嘅樣，同埋佢27歲咋，米倉姨姨睇怕都幾難贏。
來源：Oricon Style
