雖然 HTC 的手機逐漸委縮，但 HTC Vive 的發展卻相當不錯，吸引不少人的興趣。而最近 HTC 為求增加在 VR 發展的「勝算」，利用 500 萬美元（約 3,900 萬港元），投資 VR 遊戲生產商 Steel Wool Studios 。這間 Steel Wool Studios 是什麼來頭？出名遊戲一個都未有，不過就有大量由 Pixar 前員工組成，但做動畫好一定做 game 都好？
其實在過去幾個月， HTC 都已經向 VR 做了不少動作，例如設立獨立遊戲開發部門，開始組成 VR 的聯盟，同時亦不停吸引開發商開發新遊戲或軟件。但今次用過千萬買入初創企業 Steel Wool Studios ，都幾有膽量，因為大家打開機都知，遊戲畫面靚固之然好，但玩法有無吸引力先最重要。而 Steel Wool Studios 雖然有 Pixar 前員工坐陣，但遊戲方面經驗都對低，希望能夠因應 Pixar 獨有的講故事風格，吸引到人玩。
來源：techcrunch
