VR 是今年的熱潮，手機、遊戲機、電腦都推出 VR 周邊產品，不過除了手機之外，其他設計的流動性都相當不足，玩落始終都差少少。而 HP 就開發專為 VR 的電腦背囊 OMEN X VR PC Pack ，最近已經開發開發者參與的階段，這個使用 Windows 10 系統的產品，雖然仍未知道售價有幾貴（貴應該已經可以確認），不過孭住部機，其實同孭住部手提電腦有咩分別？（最大分別咪無咗個芒囉……）
硬件設計上，這部機應該會使用 Intel Core i7 或 i5 處理器 ，同時會內置有 32GB RAM 以運行 AR 畫面，重量方面仍然是一個謎，不過要高效能，當然規格不會太弱，重量亦都不會輕，只能夠講會在 10 磅以下（ 10 磅都好重喎，老細），至於今次提供開發者試用，相信是希望將這件產品推廣到 VR 遊戲，甚至 VR 以外使用。現時 OMEN X VR PC Pack 只可使用 HTC Vive 及 Oculus Rift ，而 MSI 亦有展出過類似的背囊，鍾意打機的你，又覺得有無興趣？
