日本女團 AKB48 成員島崎遙香，成日被鬧Hea做兼亂講嘢，搞到舊年要肺病爆發「休養咗」幾個月，去到總選個排名仲係咁跌。雖然之後咩事都無復出，島遙Hea做有所收歛，不過，係人都估佢都唔捱得幾耐，睇怕今年都順利畢業。 AKB48 島崎遙香
但係，世事又無絕對，噚日AKB官方公布，島崎將會出演播緊嗰套深宵劇《AKBラブナイト 恋工場（こいこうじょう）》（亂繹：AKB Love Night 戀愛工場）第33話「結婚の理由」，劇中佢做咩角色、劇情唔重要，反而佢講嘢先係重點，鹽神今次竟然大開金口講「理想的婚姻」，佢話最理想愛情，係著住校服好似普通學生咁手拖手，可以同自己鍾意嘅人去公園拍拖。之後佢又話，佢理想嘅對象就係同自己好夾嘅人，鍾意自己鍾意嘅嘢就最Perfect池。
唔知係咪愈講愈興奮，島崎講下講下開始九唔搭八，講到去結婚，話最恨有人同佢求婚，仲話可以講得出，「我要離隊，我要結婚。」佢話雖然而家未有對象，不過諗起呢個場景，就覺得好有氣勢添。
正所謂上帝要你滅亡，必先要你瘋狂，你咁講嘢，真係快過自殺。唔阻你。
來源：Oricon Style
