用 VR 相睇似玩育成 game 單向虛擬約會重點主角夠靚

今年被視為 VR 最火熱的一年，好多廠方都花盡心思，如何才能將這種新興的科技用得最盡。有 VR 預覧外國結婚場地，亦都有 VR 三級片，不過，最近新玩法，卻是由國內人諗到的相睇，舉辦一個專為單身人士而設的 VR 約會。雖然對於這種單方面約會，只有睇的人先會有約會感覺，亦即時想令對方為你傾心可能性差不多等於零，但宅男們應該都好有興趣。 VR 相睇

這次 VR 相睇，是由國內一間專間提供 VR 片源的暴風魔鏡，與及相睇 app 世紀佳緣合作提供。用家只要下載名為專門設計的婚戀交友 app ，即可與由製作單位製作、 8 位由男士選出的女神在虛擬的空間約會。而用家亦可通過畫面，去選擇不同問題的回答。不過，你見到畫面，第一時間應該覺得自己玩育成 game 多過相睇，但對於用家來說，主角夠靚又有得玩，相睇定育成，應該都無所謂。