曾幾何時，改篇自Capcom遊戲《生化危機》嘅電影系列幾咁受機迷歡迎，尤其首集女主角Alice甫出場就全裸一幕，絕對係宅男界必儲、必睇嘅經典，令到女星Milla Jovovich瞬即成為荷里活性感尤物嘅化身（雖則之前套《第五元素》都知佢猛料）。可惜，Milla Jovovich就敵唔過「早熟早殘」嘅定律，拍第二集已經唔得喇，再加上之後幾套續集嘅劇本又愈寫愈膠，第三集仲更加變成《龍珠》加《Matrix》，直至第四集要將Alice能力無限劣化，先叫好番啲。
日前，電影公司Sony Pictures公布咗第6集《Resident Evil: The Final Chapter》嘅海報同2分幾鐘嘅Trailer，今集睇個名都知係系列最後一集，Alice會將全部問題解決。片入面除咗有大量廢墟同喪屍之餘，緊係唔少得Milla Jovovich嗰條事業線啦，雖然距離02年第一集大大話都過咗14年，不過唔知係咪近年Milla Jovovich的起心肝係咁做瑜珈Keep fit，即使09年結婚後生咗兩件，身材都無乜點走樣，真係唔睇樣都唔似40歲。
講番套電影，以今時今日嘅CG特技，啲打鬥場面應該都唔會太差。完。
