日本AV女優蒼井空，自從成為「世界的」後，都好專注咁喺內地發展，可惜近年反日情緒高漲，搞到蒼井老師工作量大減。話雖如此，最近有調查在鄰近地區最為人熟悉的日本人，蒼井老師榮登第三位，排名喺第一位安倍晉三及第二位嘅山口百惠之下。
日前，蒼井老師無啦啦返咗老家，上咗AbemaTV清談節目《AbemaPrime》，不過喺節目度，個主持村本大輔就係咁玩佢，不停咁問有關中、日關係問題，例如有關釣魚台睇法，同埋日本女人點先可以喺中國Keep人氣，搞到氣氛勁老尷。好彩老師就講咗中國人好興玩微博，唔玩Twitter嘅Tips諗住過到骨。不過主持人唔多收貨，仲不停追問，見慣各路「英雄」嘅老師緊係識做，猛讚對方對眼，搞到村木飄飄然，反問可唔可以做炮……男友，蒼井老師忍唔住都潤番句：「我淨係讚你對眼咋啵。」
來源：ナリナリドットコム
