日本漫畫《 東京喰種 》有幾hit，香港人未必個個都知，不過喺日本就真係紅到癲，11年出版至今，單行本己成功累積售出1800萬套，喺今時今日可算係幾夢幻。早前官方已經公布咗嚟緊會推出真人版電影，並且由「新版夜神月」窪田正孝同「幪面超人女」清水富美加擔正。 蒼井優
套漫畫其實係講喺東京高中生金木研無啦啦被咬死之後，醒來發現自己變咗「喰種」（即係人型食尸鬼），之後更加發現身邊幾乎所有人都係「喰種」。漫畫除了大量Sell血漿外，仲會有少少甜，男主角經常無故被挑逗，女嘅無時無刻都呻吟，連食緊人都話有高潮。
老實講，劇情同《寄生獸》都係差唔多，單嘢都唔算好爆，不過日前電影公司公布第二波嘅演員名單，赫然發現有「氣質女神」蒼井優份！蒼井自從出道後，雖然都拍過幾套漫畫改篇作，不過大多數角色都係做靚女或者壞女人，今次咁重口味挑戰做食人魔都真係估佢唔到。
來源：ModelPress
