Samsung 最新的 Note 7 終於都發布，其實大部分的功能都同之前流傳的差不多，包括 5.7吋Quad HD 雙曲面 Super AMOLED 屏幕、 4GB RAM 及 1200 萬像素主相機等等，看似沒有太大驚喜，但原來今次部新機，亦會支援時下流行的 HDR 影片，仲會加埋 Samsung Pay ，功能都好齊。不過，定價比 S7 Edge 更高， Note 7 突然變高檔？
老實講，今次 Samsung Note 7 的發布，相比之前的發布會，明顯簡單好多，始終 Note 系新機並不是頂級機，不過好賣廠方都好重視。首先 S Pen 會改用 0.7mm 的筆尖，又改良壓力感應能力等。而之前傳聞的 IP68 防水、雙曲邊屏幕、虹膜識別功能都有。另外，亦會支援 Samsung Pay ，雖然相比 Apple Pay ，流行程度差一截，不過本住人有我有的精神，支援都好過無，無用是另一回事。不過，對於不少 Note 系用家來說，有個相當錯的消息，就是 Note 7 將會以較 S7 Edge 高的定價發售，預計售價為 770 至 800 美元（約 $6,000 至 $6,240 ）之間，吸引力立即大減。就算你對 Note 7 的功能無太大興趣，或者過多兩年的 Note 9 ，興趣會更大……
至於另一個重點，是 Samsung Note 7 將支援串流 HDR高動態影片，如果大家有留意開電視同投影機發展，都知今年各廠都好重視電視的 HDR 功能，因為好多電話、網絡電視都會支援，在暗位及光位都可以有更多細節提供，但究竟在一個 5.7 吋屏幕，又有沒作用呢？好似在手機播 4K 影片，只不過是慳轉細檔案時間，實際細緻度，屏幕太細肉眼根本未必分到，等到實際上手，就知手機睇 HDR 影片有幾勁！
