呢個世界註定好多人憎人富貴嫌人貧，好似日本女神北川景子咁，同前首相竹下登個孫結婚，主演套《家売るオンナ》（都係想繹番：賣屋的女人）收視係唯一Keep住10%以上，之後嚟緊仲有套法醫劇會上。事業、愛情兩得意，當然遭人妒忌啦。
日前，就有媒體搵到「相關人士」爆料，力證北川私底下好想好好咁享受婚姻生活，可惜日程排到滿晒，連煮餐飯時間都無。之後個「消息人士」又話，北川屋企食開和食，有自己家庭料理嘅食譜，暗示佢食唔慣新居嘅伙食。雖然最後個報道話北川12年拍劇時真係學過煮兩味，平衡番個報道，但好多粉絲睇完都鬧爆，佢明讚暗踩，踩北川唔做家務，講到尾都係唔抵得人哋多劇拍、多嘢做啫。
其實之前已經有報道話北川因為套劇收視好，不停咁約劇組人員去飲嘢，次次都飲到爛醉如泥咁返歸，都係嗰句：人紅是非多。
來源：dot.
