日本著名導演三池崇史出名怪雞，但慘得過大把藝人鍾意同佢合作。嚟緊12月佢套嘅新片《土竜の唄 香港狂騒曲》，就請到生田斗真、 菜菜緒 、本田翼等等等紅咗同未紅晒嘅演員合作，套片係《土竜の唄 潜入捜査官REIJI》嘅續作，單睇個名就知故事會發生喺香港，仲係講黑幫大決鬥啦。
日前，電影公司就公布咗海報同劇照，片中菜菜緒飾演一名來自中國嘅殺手，佢套高叉透視旗袍，將佢身材若隱若現咁呈現咗出嚟。不過班宅男狼叫之餘，就大叫離晒罩，事關菜菜緒造型照上嘅香港尖咀景，嗰啲中文招牌騎呢到爆，例如有「罵恥戀」、「潛火夜總」同「女人拍賣」等，最令人髮指係菜菜緒個角色名叫「胡蜂」，好難令人唔會聯想到「修哥」囉。
來源：ModelPress
