以為動漫節只是玩具同打機，但其實科技都一樣有，好似今年新華行都引入一部名為 DoReMi 的小型 3D 打印機 ，老實講， 3D 打印機在近年都見到爛，亦唔算有幾特別，而可以吸引到人，當然是講錢！這部原價 $5,200 的打印機，將在動漫節期間減到 $3,950 ，雖然只設單色打印，不過對於入門玩家或家長俾子女接觸新科技，就夠用有餘。
當然，玩 3D 打印，門檻最難並非打印機，而是要識使用 3D 立體繪圖軟件，一聽見個名，好多人都嚇窒。不過，其實要打印產品，不一定要自己畫，只要去 下面幾個網站，就可以下載到網友提供的現成 3D 檔案，可以做到即下載即印，從中再慢慢學習 3D 打印的技術，事半功倍！
