今個星期五就到動漫節，好多人都磨拳擦掌準備花錢買心頭好，而最近 Sony 便宣佈再推新優惠，只要在展覽頭 3 日，每日首 3 名購物滿 $3,000 ，便可按排隊次序免費任選 43 吋 Sony 全高清電視、 Sony Xperia Z5 Premium 手機或 Thrustmaster 賽車遊戲方向盤，隨時可以抬部電視回家。
就算是送電視，最少都要知道部電視的價值先，今次送出的 43 吋電視型號為 Sony Android TV BRAVIA W800C ，上年推出市面，當時賣 $6,980 ，現時官網定價為 $6,280 ，作為一部 Android TV ，可以裝 app 睇到更多影片，自用都好。至於Sony Xperia Z5 Premium 就賣 $4,280 ，雖然價值無咁高，但放賣就方便好多。
