玩《Pokemon Go》玩得太投入，有時的確頗為危險，尤其是要經常望住手機有無小精靈，撞到人都事小，不小心亂過馬路事大。而最近就有廠商推出名為 Pokemon Go Plus 的配件，其實說穿就是手帶一條，不過可以通知你有無小精靈出沒，一有就會震同有閃燈，對於不少「深度玩家」，應該好適合。
雖然講到好「神」，其實這條手帶主要用藍牙連接手機（又多一樣食電產品…..），而每當你行近 PokeStop 便會有閃燈或震動提示，之後先慢慢拎部手機出來都未遲，就算唔方便拎部手機，亦可以按一下機面的按鍵，便會自動幫你拋埋個精靈球出去捕埋小精靈。成功捕捉又會再一次用 LED 同震動提醒你。Pokemon Go Plus 預計會在今個月內推出，日本定價為 3,500 日元（約 $260 ）。
來源：Gigazine
