由日本女星有村架純主演套《每當想起這段戀情總會哭》收視雖然麻麻，但都無阻有村佢嘅人氣，亦都讓同劇演員長撈長有，最佳例子係，高畑充希做埋晨間劇《當家姐姐》主角，收視勁過晒一眾月九劇。
先幾日，喺劇中飾演明戀到苦戀有村嘅西島隆弘，就發布咗兩首新歌MV《まだ君は知らない MY PRETTIEST GIRL》、《ハプニング》（唔講未必知佢係唱歌嘅，仲要係男團AAA嘅成員），就請到有村嚟做MV女角，二人攬攬抱抱當然少不免，最有睇頭緊係有村會獻身跳舞，表現出佢活潑可愛嘅一面，結果，兩首MV上載短短4日唔使，喺YouTube就吸引到過百萬點擊，真係要多謝女神帶挚。
來源：OriconStyle
