現時好多手機都使用 Corning（康寧）推出的 Gorilla（即坊間叫的大腥腥）的觸控屏幕，全因耐磨又耐刮，但高空跌落一樣會爆。而最近廠方推出新一代的 Gorilla Glass 5 ，就算超過一米跌落地都唔會爆，而且口講無憑，仲要拍片示範你睇有幾硬淨！
根據康寧方面解釋，根據研究顯示，現時大部分用家如果手機跌落地，都會由超過一米高的地方跌落地，其實都好正常，因為通常正常使用下，手機都去到心口位置，點會無一米高先。所以今次 Gorilla Glass 5 主要防跌能力提高到 1.6 米，較上一代能力高出 1.8 倍，而耐刮能力亦會同上一代睇齊。現時這個 Gorilla Glass 5 已經進入商用階段，相信今年之內就會有手機採用。
來源：The Verge
