前排先講完，拍過新版《GTO》嘅日本女星西內瑪利亞，自拍畢該劇後人氣一直無乜起色，近掛終於的起心肝，以健康性感再戰娛圈，得閒就影下短裙、露下肩，都搏到啲宅男瞄下，令佢有番啲廣告、唱歌Job接下。日前，西內就推出新歌《Chu Chu/Hello》MV，只見佢打扮成個洋娃娃咁。 西內瑪利亞
不過，唔好以為就咁輕易上到位，班日媒竟然趁機幫佢翻下舊帳，事緣N年前，佢同好友廣瀨鈴去完健身後，喺IG到「些牙」張合照，張相度，廣瀨做完運動，頭濕濕臉紅紅咁充滿健康氣息，當然攞滿晒分啦。相反，另一邊嘅西內，素顏都不特只，仲殘到好似同十個男人大戰完咁。究竟西內做過啲乜令到咁乞人憎？恐怕連當事人都唔知。
來源：Tocana
